நிறுத்துங்க வண்டிய – திருச்சி தொகுதி அமமுக வேட்பாளர் வாகனத்தில் சோதனை

திருச்சி பாராளுமன்ற தொகுதியில் பிஜேபி கூட்டணியில் போட்டியிடும் அமமுக வேட்பாளர் செந்தில்நாதன், தொகுதிக்குட்பட்ட பல்வேறு இடங்களில் தொடர்ச்சியாக வாக்கு சேகரித்து வருகிறார். அதன்படி, இன்று திருச்சி மேற்கு தொகுதிக்கு உட்பட்ட கிராப்பட்டி, காஜாமலை, எடமலைப்பட்டி புதூர், டிவிஎஸ் டோல்கேட், கே.கே நகர்,ராமச்சந்திரா நகர், சுந்தர் நகர், பஞ்சப்பூர் உள்ளிட்ட பகுதிகளில் வாக்கு சேகரித்துக் கொண்டிருந்தார்.

அதன்படி கூட்டணி கட்சி நிர்வாகிகள் உள்ளிட்ட கட்சி நிர்வாகிகளுடன் கிராப்பட்டி அருகே அமமுக வேட்பாளர் செந்தில்நாதன் குக்கர் சின்னத்திற்கு வாக்கு சேகரித்துக் கொண்டிருந்தபோது தேர்தல் பறக்கும்படை அதிகாரிகள் அமுமுக வேட்பாளர் செந்தில்நாதன் மற்றும் பிஜேபி கட்சி நிர்வாகிகளின் வாகனங்களை அதிரடியாக நிறுத்தி சோதனை மேற்கொண்டனர். திடீரென நடத்தப்பட்ட இந்த சோதனையால் அப்பகுதியில் சிறிது நேரம் பரபரப்பு ஏற்பட்டது.