திருச்சி மணிகண்டம் அருகே பிரியாணி சமைக்கும் போது தீ விபத்து – கியாஸ் கசிவால் விபரீதம் தீயணைப்புத் துறையினர் விரைந்து தீயை அணைத்தனர்…

திருச்சி மாவட்டம் மணிகண்டம் அருகே உள்ள குடிசை மாற்று வாரிய குடியிருப்பில் வசித்து வருபவர் அப்துல்சமது (வயது 60). இவரது மனைவி தாஜுநிஷா. பிரியாணி தயார் செய்துள்ளார். தொடர்ந்து பலகாரம் சுட தயாரான போது,எண்ணெய் அதிக சூடாகி எண்ணெய் சட்டியில் பற்றிய தீ கியாஸ் சிலிண்டருக்கும் பரவியது. இதனால் அதிர்ச்சியடைந்த தாஜுநிஷா வெளியே ஓடி வந்துள்ளார். பின்னர் இதுகுறித்து தீயணைப்பு நிலையத்திற்கு தகவல் தெரிவிக்கப்பட்டது.

அதன்பேரில் அங்கு வந்த தீயணைப்பு நிலைய வீரர்கள் வீட்டிற்குள் எரிந்து கொண்டிருந்த தீயை அணைத்தனர். தொடர்ந்து அந்தப் பகுதியில் பதற்றத்துடன் இருந்த பொது மக்களிடம் சிலிண்டர் விபத்தை எவ்வாறு தடுக்க வேண்டும் என பொதுமக்களிடம் எடுத்துக்கூறினர். இது குறித்து வழக்கு பதிவு செய்துதுள்ள மணிகண்டம் போலீசார் தொடர்ந்து விசாரணை மேற்கொண்டு வருகின்றனர்.