சென்னை திரும்பும் மக்களின் நலன் கருதி திருச்சி, மதுரையிலிருந்து சிறப்பு ரயில்கள் இயக்கம்…!

தீபாவளி பண்டிகைக்கு சென்னையில் இருந்து சொந்த ஊர்களுக்கு சென்ற மக்கள் மீண்டும் சென்னை திரும்புவதற்கும், கூட்ட நெரிசலை தவிர்க்கும் பொருட்டு மதுரை , திருச்சியில் இருந்து தாம்பரத்திற்கு சிறப்பு ரயில்கள் இயக்கப்படுகின்றன. இதுகுறித்து தெற்கு ரயில்வே வெளியிட்டுள்ள செய்திகுறிப்பில்,
ரயில் எண் : 06008 திருச்சிராப்பள்ளி – தாம்பரம் மெமு முன்பதிவு செய்யப்படாத எக்ஸ்பிரஸ் சிறப்பு ரயில் திருச்சிராப்பள்ளியிலிருந்து இன்று 3ம் தேதி ஞாயிற்றுக்கிழமை இரவு 10.50 மணிக்கு புறப்படும். இந்த ரயில் மறுநாள் 6.10 மணிக்கு தாம்பரத்தை சென்றடையும். இதேபோன்று ரயில் எண் 06100 மதுரை – தாம்பரம் சூப்பர் பாஸ்ட் மெமு முன்பதிவு செய்யப்படாத எக்ஸ்பிரஸ் சிறப்பு ரயில் மதுரை ஜங்ஷனிலிருந்து இன்று 3ம் தேதி ஞாயிற்றுக்கிழமை இரவு 7-15 மணிக்கு புறப்பட்டு, மறுநாள் அதிகாலை 3-20 மணிக்கு தாம்பரத்தை சென்றடையும் என தெரிவிக்கப்பட்டுள்ளது.