துப்பாக்கி சுடும் போட்டி – டி.ஜி.பி. சைலேந்திரபாபு சாம்பியன்…

தமிழகம் முழுவதும் உள்ள காவல் துறை உயர் அதிகாரிகளுக்கு சென்னை அபிராமபுரத்தில் உள்ள கமாண்டோ படை வளாகத்தில் துப்பாக்கி சுடும் போட்டி நேற்று ( 14.06.2023 ) நடந்தது. இதில், உதவி எஸ்.பி. முதல் டி.ஜி.பி., வரையிலான அதிகாரிகள் பங்கேற்றனர். இறுதிச்சுற்றில், டி.ஜி.பி. சைலேந்திரபாபு ஐபிஎஸ் சாம்பியன் பட்டத்தை தட்டிச் சென்றார். இரண்டாம் இடத்தை திருவண்ணாமலை மாவட்ட எஸ்.பி., கார்த்திகேயன் பிடித்தார். இந்த போட்டியில் கலந்து கொண்ட திருச்சி மத்திய மண்டல காவல்துறை தலைவர் க. கார்த்திகேயன், ஐ.பி.எஸ் ரைபிள் துப்பாக்கி சுடுதல் போட்டியில் மிகவும் சிறப்பாக செயல்பட்டு வெள்ளிப் பதக்கத்தை கைப்பற்றி இரண்டாம் இடம் பிடித்தார். போட்டியில் கலந்து கொண்டு வெற்றி பெற்ற அதிகாரிகளுக்கு சான்றிதழும் பதக்கமும் வழங்கி தமிழக காவல்துறை தலைமை இயக்குநர் சி.சைலேந்திரபாபு, ஐ.பி.எஸ்  வாழ்த்து தெரிவித்தார்.