வாடகை பாக்கி: திருச்சி சத்திரம் பஸ் நிலையத்தில் 12 கடைகளுக்கு ‘சீல்’..

திருச்சி சத்திரம் பஸ் நிலையத்தில் மாநகராட்சிக்கு சொந்தமான 30 -க்கும் மேற்பட்ட கடைகள் உள்ளன. இந்த கடைகளில் வாடகை செலுத்தாதவர்கள் மீது நடவடிக்கை எடுக்குமாறு மாநகராட்சி ஆணையர் வைத்திநாதன் உத்தரவிட்டார். அதன் பேரில் வாடகை நிலுவை உள்ள 12 கடைகளை இன்று ( 16.06.2023 ) மாநகராட்சி உதவி வருவாய் அலுவலர் சிவசங்கர் முன்னிலையில் வருவாய் ஆய்வாளர்கள் பிச்சைமணி, செந்தில்குமார், ராஜேந்திரன் மற்றும் வரித்தண்டளர்கள் கொண்ட குழுவினர் பூட்டி சீல் வைத்தனர். இந்த சம்பவத்தால் சத்திரம் பஸ் நிலைய பகுதியில் சிறிது நேரம் பரபரப்பு ஏற்பட்டது.