ஐ.சி.யூ-வில் சட்டம், ஒழுங்கு: கோமாவில் ஆட்சி நிர்வாகம்…- த.வெ.க அரசு மீது மு.க.ஸ்டாலின் சாடல்…!

தமிழகத்தில் சட்டம் – ஒழுங்கு சீர்குலைந்து ஐ.சி.யூ-விலும், ஆட்சி நிர்வாகம் கோமாவிலும் இருப்பதாகத் திமுக தலைவர் மு.க.ஸ்டாலின் தனது ‘எக்ஸ்’ வலைதளப் பக்கத்தில் கடுமையாகச் சாடியுள்ளார். ஒரே நாளில் 17 கொலைகள் நடந்துள்ளதாகவும், குற்றவாளிகளுக்கு அச்சமும், காவல்துறையினருக்குப் பாதுகாப்பும் இல்லாத சூழல் நிலவுவதாகவும் அவர் குற்றம் சாட்டியுள்ளார். மேலும், த.வெ.க-வைச் சேர்ந்த மக்கள் பிரதிநிதிகளுக்கு எந்தவிதக் கட்டுப்பாடும் இல்லை என்றும், பெண் மாவட்ட ஆட்சியருக்கு ஆபாசக் குறுஞ்செய்தி அனுப்பியதாக த.வெ.க எம்.எல்.ஏ மீது குற்றச்சாட்டு எழுந்துள்ளதாகவும் குறிப்பிட்ட அவர், சட்டப்பேரவைத் துணைத் தலைவர் பதவியின் மாண்பு குழிதோண்டிப் புதைக்கப்பட்டுள்ளதாகத் தெரிவித்துள்ளார்.