புழல் சிறையில் அடைக்கப்பட்டுள்ள அன்பில் மகேசை நேரில் சந்தித்த உதயநிதி ஸ்டாலின்…!

தமிழகத்தில் உள்ள தனியார் பள்ளிகளுக்கு அங்கீகாரம் வழங்க அந்தப் பள்ளிகளின் நிர்வாகிகளிடம் ரூ.100 கோடி வரை லஞ்சம் பெற்றதாக கொடுக்கப்பட்ட குற்றச்சாட்டின் அடிப்படையில் முன்னாள் பள்ளி கல்வித்துறை அமைச்சர் அன்பில் மகேஷ் பொய்யாமொழி மீது வழக்கு பதிவு செய்யப்பட்டுள்ளது. அவர் முன்ஜாமின் கேட்டு நீதிமன்றத்தில் தாக்கல் செய்யப்பட்ட மனு நேற்று தள்ளுபடி செய்யப்பட்டது. இதனால் அவர் போலீசாரால் கைது செய்யப்பட்டார். இந்நிலையில் சென்னை புழல் சிறையில் அடைக்கப்பட்டுள்ள முன்னாள் அமைச்சர் அன்பில் மகேஸை, எதிர்க்கட்சித் தலைவர் உதயநிதி ஸ்டாலின் இன்று(27-10-2026) சந்தித்து நலம் விசாரித்தார். இந்தச் சந்திப்பு சுமார் 30 நிமிடங்களுக்கும் மேலாக நீடித்தது. அன்பில் மகேஷின் பிணை மனு மற்றும் வழக்கு விவரங்கள் குறித்து இருவரும் சட்டரீதியாக ஆலோசித்ததாகவும், கழகம் எப்போதும் அவருடன் துணை நிற்கும் என்று உதயநிதி ஸ்டாலின் நம்பிக்கை
தெரிவித்ததாகவும் தகவல்கள் தெரிவிக்கின்றன. அப்போது முன்னாள் அமைச்சர் சேகர் பாபு உள்ளிட்ட திமுக நிர்வாகிகள் உடன் இருந்தனர். பின்னர் உதயநிதி ஸ்டாலின் செய்தியாளர்களிடம் கூறுகையில், அரசியல் பழிவாங்கும் நோக்கோடு அன்பில் மகேஷ் கைது செய்யப்பட்டு இருப்பதாக தெரிவித்தார்.