பிரபல பாலிவுட் நடிகர் நானா படேகர் மறைவு: கனிமொழி எம்.பி., ரஜினிகாந்த் இரங்கல்…!

பிரபல பாலிவுட் நடிகரான நானா படேகர் உடல்நலக்குறைவு காரணமாக இன்று (அக். 8) காலமானார். அவருக்கு வயது 75. அவரது மறைவுக்கு திரை பிரபலங்கள் மற்றும் அரசியல் கட்சி பிரமுகர்கள் இரங்கல் தெரிவித்து வருகின்றனர். இதுகுறித்து திமுக எம்.பி கனிமொழி வெளியிட்டுள்ள எக்ஸ் தள பதிவில், மூத்த நடிகர் நானா படேகரின் மறைவு மிகுந்த வருத்தமளிக்கிறது. அவரது சிறப்பான நடிப்பு, தனித்துவமான ஆளுமை, இந்தி மற்றும் பிராந்தியத் திரைப்படத் துறைக்கு அவர் ஆற்றிய அளப்பரிய பங்களிப்பு ஆகியவை நம் நினைவுகளில் என்றும் நிலைத்திருக்கும். அவரது சிறப்பான படைப்புகளின் வாயிலாக அவரது நினைவுகள் என்றும் நிலைத்திருக்கட்டும் என்று கூறியுள்ளார். நடிகர் ரஜினிகாந்த் எக்ஸ் தள பக்கத்தில் வெளியிட்டுள்ள பதிவில்,.எனது அன்பிற்குரிய நண்பர் நானாஜி இனி நம்மிடையே இல்லை என்பதை என்னால் நம்ப முடியவில்லை. அவரது குடும்பத்தினருக்கும் அன்புக்குரியவர்களுக்கும் எனது ஆழ்ந்த இரங்கலைத் தெரிவித்துக்
கொள்கிறேன். அவரது ஆன்மா சாந்தியடையட்டும் என்று கூறியுள்ளார். நடிகர் பிரகாஷ்ராஜ் வெளியிட்டுள்ள எக்ஸ் தள பதிவில், அன்புள்ள தாத்தா, உங்களை மிகவும் இழக்கிறேன். நாம் ஒன்றாகக் கழித்த தருணங்கள், உரையாடல்கள், விவாதங்கள், நீங்கள் சமைத்த உணவுகள் மற்றும் நீங்கள் பகிர்ந்துகொண்ட அறிவு ஆகியவற்றை நான் என்றும் போற்றுவேன். என் வாழ்க்கைப் பயணத்தில் நீங்கள் வந்தமைக்கு நன்றி. உங்கள் ஆன்மா சாந்தியடையட்டும் என்று குறிப்பிட்டுள்ளார்.