மருத்துவக் கல்லூரி மாணவர்கள் ஆராய்ச்சிக்காக உடலையும் தானமாக கொடுத்த நல்லகண்ணு…!

இந்​திய கம்​யூனிஸ்ட் கட்​சி​யின் மூத்த தலை​வர் ஆர்.நல்​லகண்ணு உடல் நலக்குறைவு காரணமாக நேற்று(25-02-2026) கால​மா​னார். இன்று மாலை முழு அரசு மரியாதைக்கு பிறகு, அவரது உடல் மருத்​துவ மாணவர்​களின் ஆராய்ச்​சிக்​காக சென்னை மருத்​து​வக் கல்​லூரிக்கு தானமாக வழங்கப்​படு​கிறது. காலமான நல்லகண்ணு உடல் மாலை 5 மணிக்கு சென்னை தி.நகர் செவாலியர் சிவாஜி கணேசன் சாலை​யில் உள்ள இந்​திய கம்யூனிஸ்ட் கட்சி அலு​வல​க​மான பாலன் இல்​லத்​தில் அஞ்சலிக்காக வைக்​கப்​பட்​டது. பொது​மக்​கள், கட்​சி​யினர், பல்​வேறு அரசியல் கட்​சிகளை சேர்ந்​தவர்​கள், குடும்​பத்​தினர், உறவினர்​கள், நண்​பர்​கள் என ஏராள​மானோர் நல்​ல​கண்ணு உடலுக்கு அஞ்​சலி செலுத்தி வரு​கின்​றனர். இன்று பிற்​பகல் 3 மணிக்கு பிறகு, நல்​ல​கண்​ணு​வின் விருப்பப்படியே அவரது உடல் ஊர்​வல​மாக கொண்டு செல்லப்பட்டு மருத்​துவ மாணவர்​களின் ஆராய்ச்​சிக்​காக, சென்ட்​ரலில் உள்ள சென்னை மருத்​து​வக் கல்லூரிக்கு (எம்​எம்​சி) – ராஜீவ் காந்தி அரசு பொது மருத்​து​வ​மனைக்கு தானம் வழங்​கப்​பட​வுள்​ளது. தன் வாழ்நாள் முழுவதும் ஏழை, எளிய மக்களுக்காகவும் அவர்களின் உரிமைகளுக்காகவும் போராடியவர் நல்லகண்ணு. எளிமையாகவே வாழ்ந்து அரசு மருத்துவமனையில் சிகிச்சை பெற்று உயிர் நீத்தார். தனது உடலையும் மருத்துவக் கல்லூரி மாணவர்கள் ஆராய்ச்சிக்காக தற்போது கொடுத்துள்ளார்.