தீபாவளிக்கு 24,607 சிறப்பு பேருந்துகள் இயக்கம்- தமிழ்நாடு அரசு போக்குவரத்துக் கழகம் ஏற்பாடு…!

ஆயுத பூஜை மற்றும் தீபாவளி பண்டிகைக்கு சிறப்பு பேருந்துகள் இயக்குவது தொடர்பாக தலைமை செயலகத்தில் ஆலோசனை கூட்டம் நடந்தது. இது குறித்து போக்குவரத்து துதுறை அதிகாரிகள் கூறியதாவது:-

ஆயுத பூஜை மற்றும் தொடர் விடுமுறையையொட்டி, நாளை( செப்.26) முதல் வருகிற 30-ந் தேதி வரை 3,225 சிறப்பு பேருந்துகள் உள்பட11,593 பேருந்துகள் இயக்கப்பட உள்ளன. தீபாவளி பண்டிகைக்கு, சென்னையில் இருந்து அக்டோபர் 16-ந் தேதி முதல் 23-ந் தேதி வரை 4,253 சிறப்பு பேருந்துகள் உள்பட 10,529 பேருந்துகள் இயக்கப்பட உள்ளன. அதாவது, 9,963 சிறப்பு பேருந்துகள் உட்பட மொத்தம் 24,607 பேருந்துகள் இயக்க முடிவு செய்யப்பட்டுள்ளன. இதற்கான அதிகாரப்பூர்வமான அறிவிப்பை அடுத்த மாதம் முதல் வாரத்தில், போக்குவரத்து துறை அமைச்சர் வெளியிடுவார். இவ்வாறு அவர்கள் கூறினர்.