திருச்சியில் 22-ந்தேதி தெற்கு மாவட்ட திமுக செயற்குழு கூட்டம்: அமைச்சர் கே.என். நேரு பங்கேற்பு…* அமைச்சர் அன்பில் மகேஷ் பொய்யாமொழி அழைப்பு!

திருச்சி தெற்கு மாவட்ட திமுக செயலாளரும், பள்ளி கல்வித்துறை அமைச்சருமான அன்பில் மகேஷ் பொய்யாமொழி வெளியிட்டுள்ள அறிக்கையில் கூறியிருப்பதாவது:-

திருச்சி தெற்கு மாவட்ட திமுக செயற்குழு கூட்டம் 22-ந் தேதி வியாழக்கிழமை காலை 10 மணியளவில் சத்திரம் பேருந்து நிலையம் வி.என்.நகர், திருச்சி தெற்கு மாவட்ட திமுக அலுவலகத்தில் மாவட்ட அவைத்தலைவர் என்.கோவிந்தராஜன் தலைமையில் நடைபெறுகிறது. இக்கூட்டத்தில் திமுக முதன்மைச் செயலாளரும், மண்டல பொறுப்பாளருமான அமைச்சர் கே.என்.நேரு பங்கேற்று வருகிற 2026 சட்டமன்ற தேர்தல் பணிகள் குறித்து ஆலோசனை வழங்குகிறார். இக்கூட்டத்தில் மாநில, மாவட்ட, மாநகர நிர்வாகிகள், சட்டமன்ற உறுப்பினர், தொகுதி பார்வையாளர்கள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பகுதி, பேரூர் கழகச் செயலாளர்கள், மாவட்ட – மாநகர அணிகளின் அமைப்பாளர்கள் அனைவரும் தவறாமல் கலந்து கொள்ளுமாறு கேட்டுக் கொள்கிறேன். இவ்வாறு அந்த அறிக்கையில் அவர்
தெரிவித்துள்ளார்.