அண்ணாமலைக்கு தேசிய பொறுப்பு…- அமித்ஷா அறிவிப்பு !

பெரும் பரபரப்பை ஏற்படுத்திய தமிழக பாஜகவின் புதிய தலைவர் யார் என்கிற கேள்விக்கு தற்போது விடை கிடைத்துள்ளது. தமிழக பாஜக தலைவராக நயினார் நாகேந்திரன் நியமிக்கப்பட உள்ளார். இது குறித்த அதிகாரப்பூர்வ அறிவிப்பு நாளை வெளியாக உள்ளது.இந்நிலையில், தமிழகம் வந்துள்ள மத்திய அமைச்சர் அமித்ஷா, அண்ணாமலைக்கு தேசிய பொறுப்பு வழங்கப்படும் என தெரிவித்துள்ளார். இது குறித்து அவர் வெளியிட்டுள்ள எக்ஸ்தள பதிவில், தமிழக பாஜக தலைவராக அண்ணாமலை அளித்த பங்களிப்பு பாராட்டத்தக்கது. பிரதமர் நரேந்திர மோடியின் கொள்கைகளை மக்களிடம் கொண்டு செல்வதாக இருந்தாலும் சரி, அல்லது கட்சியின் திட்டங்களை கிராமம் கிராமமாக கொண்டு செல்வதாக இருந்தாலும் சரி, அண்ணாமலை ஜியின் பங்களிப்பு பாராட்டத்தக்கது. அண்ணாமலை தேசிய பொறுப்பிற்கு செல்கிறார். பாஜகவின் தேசியப் பணிகளுக்கு அண்ணாமலையின் திறமை பயன்படுத்தப்படும் என பதிவிட்டுள்ளார். கடந்த 2021 ஜூலை 8 முதல் தமிழக பாஜக தலைவராக நியமிக்கப்பட்ட அண்ணாமலை, 4 ஆண்டுகள் இப்பொறுப்பில் இருந்தார்.2024 மக்களவைத் தேர்தலை இவரின் தலைமையில் தமிழக பாஜக எதிர்கொண்டது என்பது குறிப்பிடத்தக்கது.