திருச்சியில் பயங்கர ஆயுதங்களுடன் 4 ரவுடிகள் கைது- கொள்ளையடிக்க திட்டமா?… போலீசார் விசாரணை…

திருச்சி காந்தி மார்க்கெட் ஏபி நகர் பகுதியில் காந்தி மார்க்கெட் போலீஸ் இன்ஸ்பெக்டர் ரமேஷ் மற்றும் போலீசார் ரோந்து பணியில் ஈடுபட்டனர். அப்போது அங்கு 5 பேர் கொண்ட கும்பல் நின்று கொண்டிருந்தனர். அவர்கள் போலீசாரை பார்த்தவுடன் அங்கிருந்து தப்பி ஓட முயற்சி செய்தனர். போலீசார் அவர்களை விரட்டிச் சென்று 4 பேரை பிடித்தனர். ஒருவர் தப்பி ஓடிவிட்டார். பிடிபட்ட 4 பேரிடமும் போலீசார் விசாரணை நடத்தினர். விசாரணையில் அவர்கள் திருச்சி தாராநல்லூர் வீரமா நகரை சேர்ந்த கீர்த்திவாசன் (வயது 24), மணிகண்டன் (24), அரியமங்கலம் பகுதியை சேர்ந்த
சிவகண்ணன் (26), இபி ரோடு பகுதியை சேர்ந்த புலிதேவன் ( 24), தையல்கார தெருவை சோ்ந்த கேசவன் என்பது தெரிய வந்தது. மேலும், 5 பேர் சேர்ந்து கொள்ளை சம்பவத்தில் ஈடுபட திட்டமிட்டது தெரிய வந்தது. அதன்பேரில், அவர்கள் 4 பேர் மீதும் போலீசார் வழக்கு பதிவு செய்து அவர்களை கைது செய்தனர். தப்பிஓடிய  புலிதேவனை போலீசார் வலைவீசி தேடி வருகின்றனர். கைது செய்யப்பட்ட நான்கு பேரும் ரவுடிகள் பட்டியலில் இருப்பது குறிப்பிடத்தக்கது.