சேலத்தில் நடைபெற்ற மாநில அளவிலான கபடி போட்டியில் திருச்சி அணி முதலிடம்- கலெக்டர் பிரதீப் குமார் பாராட்டு…!

சேலத்தில், 71-வது மாநில அளவிலான கபடி போட்டி ஜனவரி 17, 18 மற்றும் 19 ஆகிய 3 நாட்கள் நடைபெற்றது. இதில், தமிழகம் முழுவதிலும் இருந்து 32 அணி வீரர்கள் கலந்து கொண்டனர். இந்த போட்டியில் திருச்சி கபடி அணி முதலிடம் பிடித்து சாதனை படைத்தது. இரண்டாம் இடத்தை கன்னியாகுமரி அணியும், மூன்றாம் இடத்தை நாமக்கல் மற்றும் திருவாரூர் அணிகள் பிடித்தன. முதல் பரிசு பெற்ற திருச்சி மாவட்ட விளையாட்டு வீரர்களை மாவட்ட கலெக்டர் பிரதீப் குமார் பாராட்டினார்.அப்போது திருச்சி மாவட்ட கபடி கழகத்தின் தலைவர் தங்க.நீலகண்டன், செயலாளர் வெங்கடசுப்பு, அமைப்பு செயலாளர் சூரியமூர்த்தி மற்றும் நிர்வாகிகள் உடன் இருந்தனர்.