ஐபிஎல் கிரிக்கெட் போட்டியின் முதல் அட்டவணை வெளியீடு- முதல் போட்டியில் சென்னை, பெங்களூரு அணிகள் மோதல்…!

உலகக் கோப்பை கிரிக்கெட் போட்டிக்கு அடுத்து ரசிகர்களால் அதிகம் விரும்பி பார்க்கப்படுவது ஐபிஎல் கிரிக்கெட் தொடராகும். ஐபிஎல் கிரிக்கெட் போட்டி அடுத்த மாதம் மார்ச் துவங்க உள்ளது. இதற்கான வீரர்களின் ஏலம் ஏற்கனவே முடிந்துவிட்டது.

ஐபிஎல் கிரிக்கெட் தொடரின் 17-வது சீசனும், 18வது லோக்சபா தேர்தலும் ஏப்ரல், மே மாதங்களில் ஒரே சமயத்தில் நடக்க உள்ளதால் ஐபிஎல் தொடர் வெளிநாட்டில் நடத்தப்படலாம் என கூறப்பட்டது. ஆனால், இந்தியாவில் நடக்க உள்ளன. சென்னை, குஜராத், மும்பை உள்ளிட்ட 10 அணிகள் பங்கேற்கும் இந்த கிரிக்கெட் சீசனின் 21 போட்டிகள் அடங்கிய முதல் அட்டவணையை பிசிசிஐ அறிவித்துள்ளது.
அதன்படி, துவக்க போட்டியில் சென்னை பெங்களூர் அணிகள் மோதுகின்றன.இந்த போட்டி மார்ச் 22ஆம் தேதி சென்னை சேப்பாக்கம் மைதானத்தில் நடைபெறுகிறது.லோக்சபா தேர்தலுக்கான தேதி அறிவிப்புக்கு பிறகு மீதமுள்ள போட்டிகளின் அட்டவணை வெளியாகும் என எதிர்பார்க்கப்படுகிறது.