திருச்சி கொள்ளிடம் ஆறு மணல் குவாரியில்  பிணமாக கிடந்த வாலிபர்..

திருவானைக்காவல் அழகிரிபுரம் பகுதியைச் சேர்ந்தவர் சண்முகம். இவரது மகன் தினேஷ்குமார் (வயது 34). இவர் கடந்த 27-ந் தேதி மதியம்  வீட்டை விட்டு வெளியே சென்றவர் மீண்டும் வீடு திரும்பவில்லை.  இந்நிலையில் நேற்று ( 29.05.2023 ) ஸ்ரீரங்கம் பொன்னுரங்கபுரம் மணல் குவாரியில் தினேஷ்குமார் பிணமாக  கிடப்பதாக   போலீசாருக்கு தகவல்  கிடைத்தது. இதையடுத்து சம்பவ இடத்திற்கு சென்ற போலீசார்  வாலிபரின் உடலை மீட்டு பிரேத பரிசோதனைக்காக ஸ்ரீரங்கம் அரசு மருத்துவமனைக்கு  அனுப்பி வைத்தனர். பின்னர் , இது குறித்து வழக்கு பதிவு செய்து அவர் எப்படி இறந்தார்?, அவரை யாரேனும் கொலை செய்தார்களா? என்று  காவல்துறையினா் விசாரணை நடத்தி வருகின்றனர்.