மகர விளக்கு பூஜைக்காக கொல்லம்- சென்னை இடையே சிறப்பு ரயில் இயக்கம்.

சபரிமலை ஐயப்பன் கோவிலில் மகர விளக்கு பூஜை மற்றும் மகர ஜோதி தரிசனம் நாளை(15-01-2024) மாலை நடைபெற உள்ளது. மகர விளக்கு பூஜைக்காக நடை திறக்கப்பட்டது முதற்கொண்டு பக்தர்கள் கூட்டம் சபரிமலையில் நாளுக்கு நாள் அதிகரித்து வருகிறது.இதனை கருத்தில் கொண்டு பக்தர்கள் வசதிக்காக கொல்லம்- சென்னை இடையே சிறப்பு ரயில் இயக்கப்பட உள்ளதாக தெற்கு ரயில்வே தெரிவித்துள்ளது.இந்த சிறப்பு ரயிலானது, (06032/06031) வருகிற 16-ஆம் தேதி காலை 3 மணிக்கு கொல்லத்தில் இருந்து புறப்பட்டு இரவு 9 மணிக்கு சென்னை வந்து சேரும். இங்கிருந்து அன்று இரவு 11-45 மணிக்கு புறப்படும் ரயில், அடுத்த நாள் கொல்லம் சென்றடையும்.இந்த ரயிலானது பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், போத்தனூர் ஆகிய ரயில் நிலையங்களில் நின்று செல்லும் என தெரிவிக்கப்பட்டுள்ளது.