அமைச்சர் உதயநிதி ஸ்டாலின் நாளை திருச்சி வருகை: அமைச்சர் அன்பில் மகேஷ் பொய்யாமொழி அறிக்கை…!

திருச்சி தெற்கு மாவட்ட திமுக செயலாளரும்,  பள்ளி கல்வித்துறை அமைச்சருமான அன்பில் மகேஷ் பொய்யாமொழி வெளியிட்டுள்ள ஒரு அறிக்கையில் கூறப்பட்டு இருப்பதாவது:-  திருச்சி மாவட்டத்தில் நடைபெறும் பல்வேறு நிகழ்ச்சிகளில் பங்கேற்பதற்காக  அமைச்சர் உதயநிதி ஸ்டாலின் நாளை (31-07-2024) மதியம்  2 மணிக்கு சென்னையில் இருந்து விமானம் மூலமாக திருச்சி விமான நிலையத்திற்கு வருகை தரவுள்ளார். அவரை வரவேற்க மாநில, மாவட்ட, மாநகர நிர்வாகிகள், தலைமை செயற்குழு- பொதுக்குழு உறுப்பினர்கள், ஒன்றிய, நகர, பகுதி, பேரூர், வட்ட, கிளைக் கழக நிர்வாகிகள், அணிகளின் அமைப்பாளர்கள், துணை அமைப்பாளர்கள், உள்ளாட்சி அமைப்புகளின் பிரதிநிதிகள், கழக தொண்டர்கள் மற்றும் பொதுமக்கள் தவறாமல் கலந்து கொள்ளுமாறு கேட்டுக்கொள்கிறேன் இவ்வாறு அதில் அவர் தெரிவித்துள்ளார்.