கோவை மாநகராட்சி மேயர் திடீர் ராஜினாமா…!

கோவை மாநகராட்சி மேயர் கல்பனா ஆனந்தகுமார் தனது பதவியை திடீரென ராஜினாமா செய்துள்ளார். நடந்து முடிந்த நாடாளுமன்ற தேர்தல் பணிகளில், தி.மு.க., தலைமை எதிர்பார்த்த அளவுக்கு இவர் பணியாற்றவில்லை. மேயராக கல்பனா பொறுப்பேற்றதில் இருந்து மாநகராட்சி கமிஷனர்களாக இருந்த ராஜகோபால் சுங்கரா, பிரதாப் உள்பட அனைத்து அதிகாரிகளுடன் தொடர்ந்து மோதல் போக்கை கடைப்பிடித்தார். அதேபோல, மாநகராட்சி ஒப்பந்ததாரர்களுடனும் மோதினார். இந்நிலையில், இன்று(03-07-2024) மேயர் கல்பனா ஆனந்தகுமார் தனது பதவியை ராஜினாமா செய்தார். ஆணையரிடம், தனது ராஜினாமா கடிதத்தை வேறு ஒருவர் மூலமாக வழங்கியுள்ளார். மருத்துவ காரணங்களுக்காக ராஜினாமா செய்வதாக கடிதத்தில் கல்பனா கூறியுள்ளதாக தெரிகிறது.