திருச்சியில் பரபரப்பு : வீடு புகுந்து பெண்ணை பலாத்காரம் செய்ய முயற்சி ! வாலிபரை அதிரடியாக கைது செய்தது போலீஸ்

திருச்சி, ராம்ஜி நகர் கொத்தமங்கலம் சுப்ரமணியர் கோவில் தெருவை சேர்ந்தவர் அர்ஜுனன். இவரது மகன் பிரவீன் (வயது 18 )இவர் பக்கத்து வீட்டிற்கு சென்று தனியாக இருந்த பெண்ணின் கணவரது செல்போன் எண்ணை கேட்டுள்ளார். அப்போது மயக்கம் வருகிறது எனக் கூறி குடிக்க தண்ணீரும் கேட்டுள்ளார். உடனே அந்த இளம் பெண் வீட்டிற்குள் சென்று தண்ணீர் எடுக்கச் சென்றார். அதற்குள் பிரவீன் கதவை தாழ்ப்பாள் போட்டு பூட்டிவிட்டு, அந்த இளம் பெண்ணை பலாத்காரம் செய்ய முயன்றார்.உடனே அந்த இளம் பெண் பிரவீன் கையை தட்டி விட்டு கதவை திறந்து வெளியே ஓடி வந்து அலறி கூச்சலிட்டார். உடனே அக்கம் பக்கத்தினர் கூடினர். அதற்குள் பிரவீன் தப்பித்து ஓடிவிட்டார். இது குறித்த புகாரின் பேரில் கண்டோன்மெண்ட் அனைத்து மகளிர் காவல் நிலைய இன்ஸ்பெக்டர் செல்வமலர் வழக்கு பதிந்து பிரவீனை தேடி வந்தார். இந்நிலையில் இந்த வழக்கு தொடர்பாக பிரவீனை கைது செய்த போலீசார் விசாரணை நடத்தி வருகிறார்.