பைக் விபத்து ! உறையூரில் இரு தரப்பினர் இடையே மோதல்.. 15 பேர் காயம்

திருச்சி உறையூர் பஞ்சவர்ணசுவாமி கோவில் அருகே நேற்று இரவு மோட்டார் சைக்கிள் மோதி விபத்து ஏற்பட்டது. இது தொடர்பாக இருதரப்பினர் இடையே தகராறு ஏற்பட்டதில் ஒருவரையொருவர் தாக்கி கொண்டனர். இந்த சம்பவம் குறித்து இரு தரப்பையும் சேர்ந்த உறவினர்கள் மற்றும் நண்பர்களுக்கு தகவல் பரவியதும் இருதரப்பினரும் உருட்டுக்கட்டைகளால் தாக்கி மோதிக் கொண்டதாக கூறப்படுகிறது. இதில் 10-க்கும் மேற்பட்டவர்கள் காயம் அடைந்தனர். தகவல் அறிந்த உறையூர் போலீசார் தகராறு ஏற்பட்ட இடத்திற்கு வந்து விசாரித்தனர். பின்பு இருதரப்பை சேர்ந்தவர்களும் புகார் கொடுப்பதற்காக உறையூர் காவல் நிலையம் முன்பு திரண்டனர்.

அப்போது அங்கு அவர்களுக்குள் மீண்டும் வாக்குவாதம் கைகலப்பு ஏற்பட்டதால் பெரும்பரபரப்பு ஏற்பட்டது. இதனால் உறையூர் காவல் நிலையம் முன்பு பாதுகாப்புக்காக ஏராளமான போலீசார் குவிக்கப்பட்டனர். பின்பு இருதரப்பினரையும் போலீசார் சமாதானம் செய்து அனுப்பி வைத்தனர். காயம் அடைந்தவர்கள் மருத்துவமனைக்கு சிகிச்சைக்காக அனுப்பி வைக்கப்பட்டனர். இந்த மோதல் சம்பவம் குறித்து உறையூர் போலீசார் தொடர் விசாரணை நடத்தி வருகின்றனர்.