திருச்சி அருகே ஆட்டோ- லாரி நேருக்கு நேர் மோதி விபத்து – சம்பவ இடத்திலேயே 3 பேர் உயிரிழப்பு

திருச்சி மாவட்டம் பெட்டவாய்த்தலை அருகேயுள்ள திருப்பராய்த்துறை அனலை கிராமத்தை சேர்ந்தவர் சண்முகம் – சுசிலா தம்பதியினர். சுசிலாவுக்கு உடல்நிலை சரியில்லாத காரணத்தினால் தனது மகன் சரவணனுடன் மருத்துவமனைக்கு சென்றுள்ளார். பின் ஆட்டோவில் வீடு திரும்பிகொண்டிருந்தபோது பெட்டவாய்த்தலை அருகே சக்தி நகர் பகுதியில் எதிரே வந்த டிப்பர் லாரி ஆட்டோவில் மோதி விபத்துக்குள்ளானது. இதில் தூக்கி வீசப்பட்ட ஆட்டோ, ரோட்டிற்கு அருகேயுள்ள அய்யன் வாய்க்காலில் கவிழ்ந்தது. இரவு நேரம் என்பதால் விபத்து குறித்து யாருக்கும் தெரியவில்லை. பின்னர் நீண்ட நேரம் கழித்து அவ்வழியாக வந்த அக்கம்பக்கத்தினர் ஆட்டோ வாய்க்காலில் கவிழ்ந்துகிடப்பது குறித்து காவல்துறைக்கு தகவல் தெரிவித்தனர். விரைந்து வந்த காவல்துறையினர் கிரேன் உதவியுடன் ஆட்டோவை மீட்டனர்.இவ்பத்தில் ஆட்டோவில் பயணம் செய்த சுசிலா, சரவணன், ஆட்டோ டிரைவர் ஆகிய மூவரும் உடல் நசுங்கி உயிரிழந்தது தெரிய வந்தது. மூவரது உடலையும் மீட்ட போலீசார் பிரேத பரிசோதனைக்காக ஸ்ரீரங்கம் அரசு மருத்துவமனைக்கு அனுப்பிவைத்ததோடு இவ்விபத்து குறித்து விசாரித்து வருகின்றனர்.