அ.ம.மு.க. பொதுச் செயலாளராக டிடிவி தினகரன் மீண்டும் தேர்வு…!

அம்மா மக்கள் முன்னேற்றக் கழகத்தின் பொதுச் செயலாளராக டிடிவி தினகரன் மீண்டும் தேர்வு செய்யப்பட்டுள்ளார்.  தஞ்சாவூரில் அமமுகவின் 4-வது  பொதுக்குழு மற்றும் செயற்குழுக் கூட்டம் அக்கட்சியின் பொது செயலாளர் டிடிவி தினகரன் தலைமையில் இன்று(07-10-2024) காலை தொடங்கியது.  கூட்டத்தில், பொதுக் குழு மற்றும் செயற்குழு உறுப்பினர்கள் ஒருமித்த ஆதரவுடன் டிடிவி தினகரன் மீண்டும் பொதுச் செயலாளராக செய்யப்பட்டார்.  டிடிவி தினகரன் கடந்த 2018- ஆம் ஆண்டு அம்மா மக்கள் முன்னேற்றக் கழகம் என்ற அரசியல் கட்சியைத் தொடங்கினார்.  2021 சட்டப்பேரவைத் தேர்தலில் தேமுதிகவுடன் இணைந்து தேர்தலை சந்தித்த அமமுக, கடந்த மக்களவைத் தேர்தலில் பாஜக தலைமையிலான  தேசிய ஜனநாயக கூட்டணியில் இணைந்து தேர்தலை சந்தித்தது குறிப்பிடத்தக்கது.