தஞ்சை அருகே கேஸ் சிலிண்டர் வெடித்து வீடு தரைமட்டம்- விடிய, விடிய உயிருக்கு போராடிய மூதாட்டி…!

தஞ்சை மாவட்டம் திருவோணம் அருகே உள்ள அண்ணா சிலை பகுதியைச் சேர்ந்தவர் செல்லத்துரை. இவரது மனைவி ராசாத்தி (69). கடந்த ஒரு ஆண்டுக்கு முன்பாக செல்லத்துரை இறந்துவிட்டார். இதனால், ராசாத்தி தனியாக வசித்து வந்தார். இந்நிலையில், நேற்று இரவு ராசாத்தி வீட்டில் இருந்து ‘டமார்’ என பயங்கர சத்தம் கேட்டது. சிறிது நேரத்தில் வீடு இடிந்து தரைமட்டமானது. இடிபாடுகளுக்கு இடையே சிக்கி ராசாத்தி விடிய, விடிய உயிருக்கு போராடியுள்ளார். இன்று காலை ராசாத்தி வீடு இடிந்து கிடப்பதை கண்ட அக்கம் பக்கத்தினர் இடிபாடுகளுக்கு இடையே சிக்கி கிடந்த அவரை மீட்டு சிகிச்சைக்காக தஞ்சை மருத்துவக் கல்லூரி மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து திருவோணம் போலீசார் விசாரணை நடத்தி வருகின்றனர்.