உலகப் புகழ்பெற்ற அலங்காநல்லூர் ஜல்லிக்கட்டு எப்போது?

தமிழர்களின் வீர விளையாட்டான ஜல்லிக்கட்டு பொங்கல் பண்டிகையை முன்னிட்டு பல்வேறு இடங்களில் நடைபெறும். இதில் அலங்காநல்லூர் ஜல்லிக்கட்டு உலகப் புகழ்பெற்றது. கடந்த 2025-ம் ஆண்டு மதுரையில் மிகவும் சிறப்பாக ஜல்லிக்கட்டு போட்டிகள் நடைபெற்றன. அதேபோல பொங்கல் பண்டிகையை முன்னிட்டு இந்த ஆண்டும் ஜல்லிக்கட்டு நடத்த விரிவான ஏற்பாடுகள் செய்யப்பட்டு வருகின்றன. அதன்படி, வருகிற 15-ம் தேதி அவனியாபுரத்திலும், 16-ம் தேதி பாலமேட்டிலும், 17-ம் தேதி அலங்காநல்லூரிலும் ஜல்லிக்கட்டுபோட்டிகள் நடைபெறுகின்றன. உயர் நீதிமன்றம், உச்ச நீதிமன்றம் அறிவுறுத்தல்படி அனைத்து வழிகாட்டு நெறிமுறைகளையும் பின்பற்றி ஜல்லிக்கட்டு போட்டிகள் நடைபெறவுள்ளது. இதில் உள்நாடு மட்டுமின்றி வெளிநாடுகளில் இருந்தும் ஜல்லிக்கட்டு ரசிகர்கள் பங்கேற்று போட்டியை ஆர்வத்துடன் கண்டுகளிக்க உள்ளனர்.