“கன்னடத்துப் பைங்கிளி” என்று ரசிகர்களால் அழைக்கப்பட்ட நடிகை சரோஜாதேவி காலமானார்…!

சினிமா துறையில் “கன்னடத்து பைங்கிளி” என்று ரசிகர்களால் அன்போடு அழைக்கப்பட்ட சரோஜாதேவி இன்று (ஜூலை 14) காலமானார். அவருக்கு வயது 87. உடல் நலக்குறைவு மற்றும் வயது மூப்பின் காரணமாக அவர் உயிரிழந்ததாக சொல்லப்படுகிறது. இவர் பிரபல நடிகர்கள் எம்ஜிஆர், சிவாஜி கணேசன், ஜெமினி கணேசன் உள்ளிட்ட பல நடிகர்களுடன் ஏராளமான திரைப்படங்களில் நடித்துள்ளார். தமிழ் மட்டுமின்றி பிறமொழி திரைப்படங்களிலும் நடித்த சரோஜாதேவி தனக்கென தனி ரசிகர் பட்டாளத்தை கொண்டிருந்தார். இந்நிலையில் இன்று நடிகை சரோஜாதேவி மரணம் அடைந்துள்ளது தமிழ் திரையுலகில் பெரும் சோகத்தை ஏற்படுத்தியுள்ளது. நடிகை சரோஜாதேவி மறைவுக்கு ரசிகர்கள் மற்றும் பிரபலங்கள் பலரும் இரங்கல் தெரிவித்து வருகின்றனர். அவரது உடல் பெங்களூரில் உள்ள அவரது இல்லத்தில் இறுதி அஞ்சலிக்காக வைக்கப்பட்டுள்ளதாக தெரிவிக்கப்பட்டுள்ளது.