திருச்சியில் பிரச்சாரத்திற்கு சென்று வந்த வாலிபர் மாயம்…!

திருச்சி காளியம்மன் கோவில் தெருவை சேர்ந்தவர் திருப்பதி. இவரது மகன் வசந்த் என்கிற தமிழரசன் (வயது 27). தண்ணீர் கேன் வியாபாரம் செய்து வருகிறார். சம்பவத்தன்று நண்பர்களுடன் தேர்தல் பிரச்சாரத்திற்கு சென்று வந்ததாக கூறப்படுகிறது. இதனை கேள்விப்பட்ட அவரது தந்தை மகனை கண்டித்ததாக தெரிகிறது. இதனால், ஆத்திரத்தில் வீட்டில் இருந்து வெளியே சென்ற வசந்த், நீண்ட நேரமாகியும் வீடு திரும்பவில்லை. அவரை பல இடங்களில் தேடியும் கிடைக்கவில்லை. இதுகுறித்து எடமலைப்பட்டிபுதூர் போலீசில் திருப்பதி புகார் கொடுத்தார். புகாரின்பேரில் போலீசார் வழக்கு பதிவு செய்து வசந்தை தேடி வருகின்றனர்.