திருச்சி, கண்டோன்மென்ட் காவல் உதவி ஆணையர் அலுவலகம் எதிரே விபத்து: மொபட் மீது மோதிவிட்டு நிற்காமல் பறந்த கார்…! (வீடியோ இணைப்பு)

திருச்சி, உய்யக்கொண்டான் திருமலை பகுதியை சேர்ந்த சிவக்குமார் என்பவர் இன்று(29-01-2025) மத்திய பேருந்து நிலையம் நோக்கி மொபட்டில் சென்று கொண்டிருந்தார். கண்டோன்மென்ட் காவல் உதவி ஆணையர் அலுவலகம் எதிரே அவர் சென்று கொண்டிருந்த போது அவ்வழியாக வேகமாக வந்த ஒரு கார், மொபட் மீது மோதி விட்டு நிற்காமல் சென்று விட்டது. இதில், மொபட்டுடன் கீழே விழுந்த சிவக்குமாருக்கு பலத்த காயம் ஏற்பட்டது. அங்கிருந்தவர்கள் அவரை மீட்டு ஆம்புலன்ஸ் மூலம் அரசு மருத்துவமனைக்கு அனுப்பி வைத்தனர். அந்தப் பகுதியில் நிற்காமல் சென்ற கார் எது என்பது குறித்து போலீசார் விசாரணை நடத்தினர். ஆனால், காவல் உதவி ஆணையர் அலுவலகம் வெளியே உள்ள சிசிடிவி கேமரா சரிவர வேலை செய்யாததால் காரை கண்டுபிடிப்பதில் சிரமம் ஏற்பட்டது. இருந்தாலும் அருகில் உள்ள கண்காணிப்பு கேமராக்களை பார்வையிட்டு விசாரணை நடத்தி வருகின்றனர். காவல் நிலையத்திற்கு வெளியே உள்ள சிசிடிவி கேமரா செயல்படாத சம்பவம் பொதுமக்களிடையே அதிருப்தியை ஏற்படுத்தியிருக்கிறது.