நாளையுடன் விடைபெறுகிறது 2000 ரூபாய் நோட்டு…

கடந்த 2016 ஆம் ஆண்டு ரூ.1000 மற்றும் 500 ரூபாய் நோட்டுகளை மத்திய அரசு பணமதிப்பிழப்பு செய்தபோது அதற்கு மாற்று ஏற்பாடாக 2000 ரூபாய் நோட்டுகளை அறிமுகப்படுத்தியது. இந்நிலையில் இரண்டாவது பணமதிப்பிழப்பு நடவடிக்கையாக 2000 ரூபாய் நோட்டுகளின் புழக்கத்தை நிறுத்துவதாக கடந்த மே 19-ம் தேதி ஆர்பிஐ அறிவித்தது. 2000 ரூபாய் நோட்டுகளை எந்தவித படிவம் மற்றும் அடையாள அட்டையின்றி வங்கிகளில் கொடுத்து மாற்றிக் கொள்ளலாம் எனவும் தெரிவித்தது. அதன்படி, 2000 ரூபாய் நோட்டுகளை திரும்ப பெறுவதற்கான அல்லது மாற்றுவதற்கான காலக்கெடு இம்மாதம் 30ம் தேதி என்று அறிவிக்கப்பட்டது. இந்த காலக்கெடுவை நீட்டிக்கும் எண்ணம் இல்லை என்று ஆர்.பி .ஐ. கூறியுள்ளது .எனவே 2000 ரூபாய் நோட்டுகளை திரும்ப பெறுவதற்கான காலக்கெடு நாளையுடன் (  30.09.2023 )  நிறைவடைகிறது.