ஆசிய ஆக்கி போட்டிக்கான கோப்பை அறிமுக நிகழ்ச்சி…! 2 அமைச்சர்கள் பங்கேற்பு!

சென்னை எழும்பூரில் உள்ள மேயர் ராதாகிருஷ்ணன் ஹாக்கி மைதானத்தில் 7 -வது ஆசிய கோப்பைக்கான ஹாக்கி போட்டி ஆகஸ்ட் மாதம் 3-ம் தேதி முதல் 12-ம் தேதி வரை நடைபெற உள்ளது. இந்த போட்டிக்கான வெற்றிக் கோப்பை இன்று ( 26.07.2023 ) காலை திருச்சி அண்ணா விளையாட்டு மைதானத்திற்கு கொண்டு வரப்பட்டது. அதனை அமைச்சர்கள் கே.என்.நேரு, அன்பில் மகேஷ் பொய்யாமொழி, திருச்சி மாநகராட்சி மேயர் அன்பழகன், மணப்பாறை சட்டமன்ற உறுப்பினர் அப்துல்சமத், மாவட்ட கலெக்டர் மா. பிரதீப்குமார் ஐஏஎஸ் ஆகியோர் இணைந்து கோப்பையை அறிமுகப்படுத்தினர். அதனைத் தொடர்ந்து அமைச்சர்கள் ஹாக்கி விளையாடினர். மேலும், ஹாக்கி வீரர், வீராங்கனைகளுக்கு மரக்கன்றுகள் வழங்கப்பட்டது. ஹீரோ ஏசியன் சாம்பியன்ஷிப் ஹாக்கி போட்டி 16 ஆண்டுகளுக்கு பிறகு சென்னையில் இந்த ஆண்டு நடைபெறுவது குறிப்பிடத்தக்கது.