கோவில் அர்ச்சகர் சங்க பொதுக்குழு கூட்டம்…!

திருச்சி மாவட்டம் மண்ணச்சநல்லூர் திருவெள்ளறையில் அர்ச்சகர் மற்றும் கைங்கா்யா்கள் பொதுக்குழு அவசர கூட்டம் நடைபெற்றது. கூட்டத்தில் ஸ்ரீரங்கம் , உறையூர், அன்பில், குணசீலம், திருவெள்ளறை கோயில் அர்ச்சகர்கள் மற்றும் கைங்கா்யா்கள் கலந்து கொண்டனர். ஸ்ரீரங்கம் ரங்கநாதர் கோயில் தலைமை அர்ச்சகர் முரளி பட்டர், நந்து பட்டர் ஆகியோர் முன்னிலை வகித்தனர். கூட்டத்தில், திருக்கோயில் பாரம்பரியத்தை பாதுகாப்பது, கோயில் இணை ஆணையர்களுக்கு ஒத்துழைப்பு கொடுப்பது என்பன போன்ற தீர்மானங்கள் நிறைவேற்றப்பட்டன. மேலும், ஆண்டு வரவு, செலவு கணக்குகள் வாசிக்கப்பட்டன. கூட்டத்தில்  திருவெள்ளறை ஜெகநாதன் பட்டர், ஸ்ரீரங்கம் தீபக் பட்டர் மற்றும் அர்ச்சகர்கள் கலந்து கொண்டனர்.