தமிழ்நாட்டில் 6 முதல் பிளஸ்- 2 வரையிலான வகுப்புகளுக்கு காலாண்டு தோ்வு அட்டவணை வெளியீடு… !

தமிழ்நாட்டில் இந்த ஆண்டுக்கான 6 முதல் பிளஸ் -2 வகுப்புகளுக்கான காலாண்டுத் தோ்வு அட்டவணை வெளியாகியுள்ளது.  தமிழக பள்ளிக் கல்வி பாடத்திட்டத்தில் 1 முதல் பிளஸ்- 2 வரை பயிலும் மாணவ, மாணவிகளுக்கான பள்ளி வேலை நாட்கள், தேர்வுகள், விடுமுறை உட்பட விவரங்கள் அடங்கிய கல்வி ஆண்டு நாட்காட்டி 2018 ம் ஆண்டு முதல் வெளியிடப்பட்டு வருகிறது. அதன்படி இந்த கல்வி ஆண்டு 2024-25  அரசு, அரசு உதவி பெறும் பள்ளிகள் மற்றும் தனியார் பள்ளிகளில் 6 முதல் பிளஸ்-2 வரை வகுப்புகளுக்கான காலாண்டு தேர்வு அட்டவணை தற்போது வெளியாகி உள்ளது.  அதன்படி, 6 முதல் 10 வரையிலான வகுப்புகளுக்கு செப்டம்பர் 20ம் தேதி தொடங்கி 27ம் தேதி வரை தேர்வுகள் நடைபெற உள்ளன. பிளஸ்-1, பிளஸ்-2 வகுப்புகளுக்கு செப்டம்பர் 19 முதல் 27ம் தேதி வரை தேர்வுகள் நடைபெற உள்ளன. தொடர்ந்து செப்டம்பர் 28 முதல் அக்டோபர் 2ம் தேதி வரை விடுமுறை அறிவிக்கப்பட்டுள்ளது.