Rock Fort Times
Online News

குடியரசு தினவிழா: ரயில்வே பாதுகாப்பு படை வீரர்கள் மோட்டார் சைக்கிளில் சாகசம் செய்து அசத்தல்…

இந்திய நாட்டின் 75வது குடியரசு தின விழா இன்று(26-01-2024) நாடு முழுவதும் கோலாகலமாக கொண்டாடப்பட்டு வருகிறது. அதேபோல, திருச்சி கல்லுக்குழி ரயில்வே மைதானத்தில் திருச்சி ரயில்வே கோட்டம் சார்பில் நடைபெற்ற குடியரசு தின விழாவில் ரயில்வே கோட்ட மேலாளர் அன்பழகன் தேசிய கொடியேற்றினார். அதனைத்தொடர்ந்து ரயில்வே பாதுகாப்பு படையினர் அளித்த அணிவகுப்பு மரியாதையை ஏற்றுக் கொண்டார்.

இந்நிகழ்ச்சியில் உதவி கோட்ட மேலாளர் ராமலிங்கம், வணிக கோட்ட மேலாளர் செந்தில்குமார், ரயில்வே பாதுகாப்பு படையின் திருச்சி கோட்ட ஆணையர் ராமகிருஷ்ணன் உள்ளிட்ட ரயில்வே அதிகாரிகள் மற்றும் ஊழியர்கள், பார்வையாளர்கள் பலர் கலந்து கொண்டனர். இவ்விழாவில் கடந்த ஆண்டில் சிறப்பாக பணியாற்றிய முரளி தாஸ், ஆறுமுகம், திருமலைகுமார், ப்ரிஜா, நாகராஜ், செல்லதுரை, அபி ஜோசப் ஆகிய 7 ரயில்வே பாதுகாப்பு படை காவலர்களுக்கு ரயில்வே கோட்ட மேலாளர் அன்பழகன் பாராட்டு சான்றிதழ் வழங்கினார். பின்னர் ரயில்வே பாதுகாப்பு படையில் பயிற்சி அளிக்கப்பட்ட மோப்ப நாய்களின் சாகச நிகழ்ச்சிகளும், ரயில்வே பாதுகாப்பு படையினரின் இருசக்கர வாகன சாகச நிகழ்ச்சிகளும் அசத்தலாக நடைபெற்றது. இது, பார்வையாளர்களை வெகுவாக கவர்ந்தது.

Comments are closed, but trackbacks and pingbacks are open.

Rockfort Times செய்திகளை உடனுக்குடன் அறிந்து கொள்ள வேண்டுமா? இல்லை ஆம்