போலீஸ் ஸ்டேஷனா கூட்டிட்டு போற இந்தா வாங்கிக்கோ! முதியவர் மற்றும் போலீஸ்காரரை சரமாரியாக வெட்டிய வாலிபர் திருச்சி சத்திரம் பஸ் ஸ்டாண்டில் பரபரப்பு

திருச்சி, திருவானைக்காவல் ஐந்தாம் பிரகாரத்தை சேர்ந்தவர் காஜா மைதீன் (வயது 63). சமையல் தொழிலாளியான இவர், நேற்று மாலை திருச்சி சத்திரம் பஸ் நிலையம் வந்து, மது அருந்தியதாக கூறப்படுகிறது. இதையடுத்து அவர் அப்பகுதியில் உள்ள ஒரு டீக்கடை அருகே வந்தபோது, அங்கு வந்த 4 பேர் காஜா மைதீனிடம் இருந்த பையையும், ரூ.1,400-ஐயும் பறித்து சென்றனர். இதையடுத்து காஜா மைதீன் அதில் 2 பேரை பிடித்து சத்திரம் பஸ் நிலையத்தில் உள்ள புறக்காவல் நிலையத்தில் ஒப்படைக்க சென்றார். அப்போது அவரை, அபி ஷேக் என்ற வாலிபர் தடுத்து, அரிவாளால் சரமாரியாக வெட்டினார். இதை தடுக்கச்சென்ற போக்குவரத்து சிறப்பு சப்-இன்ஸ் பெக்டர்கள் ராஜா, பிரேம் ஆனந்த் ஆகியோரையும் அபிஷேக் அரிவாளால் தாக்கியதில், அவர்களுக்கு காயம் ஏற்பட்டது. இதையடுத்து சாலையில் சென்றவர்களையும் அபிஷேக் அரிவாளால் தாக்கியுள்ளார். இதையடுத்து சிறப்பு சப்-இன்ஸ்பெக்டர் ராஜா, அபிஷேக்கிடம் இருந்து அரிவாளை பறித்தார். அப்போது அங்கு வந்த சிறப்பு சப்-இன்ஸ்பெக்டர் சந்தானம், அபிஷேக்கை மடக்கி பிடித்தார். இதையடுத்து அருகில் இருந்த பொதுமக்கள் அபிஷேக்கை கீழே தள்ளி சரமாரியாக தாக்கினர். இதையடுத்து பலத்த காயமடைந்த காஜா மைதீன் 108 ஆம்புலன்ஸ் மூலமும், அபிஷேக் மற்றொரு ஆம்புலன்சிலும் சிகிச்சைக்காக மருத்துவமனைக்கு அனுப்பி வைக்கப்பட்டனர். மேலும் அபிஷேக்குடன் வந்தவர்கள் காளியம்மன் கோவில் தெருவை சேர்ந்த குரு (20), காந்திமார்க்கெட் தவ்பிக் (19), அரியமங்கலத்தை சேர்ந்த அபுபக்கர் சித்திக் (19) என்பது போலீசார் விசாரணையில் தெரியவந்தது. அதில் 2 பேரை போலீசார் பிடித்தனர். இது குறித்து கோட்டை போலீசார் வழக் குப்பதிவு செய்து விசாரணை நடத்தி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியது