ஜனநாயகன் இல்லைனா என்ன…? பொங்கலுக்கு விஜய்யின் ‘தெறி’ திரைப்படம் ரீ-ரிலீஸ்…!

நடிகர் விஜய் நடித்துள்ள ஜனநாயகன் திரைபடத்திற்கு தணிக்கை சான்றிதழ் வழங்குவதில் கால தாமதம் ஏற்பட்டுள்ளது. இதனால், பொங்கலுக்கு ரிலீஸ் ஆக இருந்த ஜனநாயகன் திரைப்படம் ரிலீஸ் ஆகவில்லை. ஜனநாயகன் திரைப்படத்திற்கு தணிக்கை சான்றிதழ் வழங்க சென்னை ஐகோர்ட்டு பிறப்பித்த இடைக்கால தடை உத்தரவை எதிர்த்து தயாரிப்பு நிறுவனம் சார்பில் சுப்ரீம் கோர்ட்டில் மேல்முறையீடு செய்யப்பட்டுள்ளது. இந்த மேல்முறையீட்டு மனு வருகிற 12-ம் தேதி (திங்கட்கிழமை) விசாரணைக்கு வரும் என எதிர்பார்க்கப்படுகிறது. இந்நிலையில், பொங்கல் தினமான ஜனவரி 15ம் தேதி, விஜய் நடிப்பில் ஏற்கனவே வெளியான தெறி திரைப்படம் ரி – ரிலீஸ் செய்யப்படும் என்று பட தயாரிப்பாளர் கலைப்புலி எஸ். தாணு தெரிவித்துள்ளார். அட்லி இயக்கத்தில் 2016ம் ஆண்டு இப்படம் வெளியானது. தற்போது மீண்டும் ரி- ரிலீஸ் செய்யப்பட உள்ளதால் விஜய் ரசிகர்கள் உற்சாகம் அடைந்துள்ளனர்.