திருச்சி டிவிஎஸ் டோல்கேட்டில் அமைக்கப்பட்ட கருணாநிதி சிலைக்கு அமைச்சர் உதயநிதி மாலை அணிவித்து மரியாதை…

முன்னாள் முதலமைச்சர், முத்தமிழ் அறிஞர் கருணாநிதியின் நூற்றாண்டை முன்னிட்டு திருச்சி தெற்கு மாவட்ட திமுக சார்பில் திருச்சி டிவிஎஸ் டோல்கேட் பகுதியில் கருணாநிதி முழு உருவ சிலை அமைக்கப்பட்டுள்ளது. சிலையை, நகராட்சி நிர்வாகத்துறை அமைச்சர் கே. என்.நேரு, தெற்கு மாவட்ட செயலாளரும், பள்ளிக்கல்வித்துறை அமைச்சருமான அன்பில் மகேஸ் பொய்யாமொழி ஆகியோர் முன்னிலையில் சென்னையில் இருந்து காணொளி காட்சி மூலம் அமைச்சர் உதயநிதி ஸ்டாலின் சமீபத்தில் திறந்து வைத்தார்.

இந்நிலையில் திருச்சியில் நடைபெற்று வரும் கருத்தரங்கில் பங்கேற்பதற்காக அமைச்சர் உதயநிதி ஸ்டாலின் இன்று(07-02-2024) திருச்சி வந்தார். அப்போது அவர், டிவிஎஸ் டோல்கேட் பகுதியில் அமைக்கப்பட்டுள்ள கருணாநிதி சிலைக்கு மாலை அணிவித்து மரியாதை செலுத்தினார். அப்போது உதயநிதி ஸ்டாலினுக்கு, அமைச்சர் அன்பில் மகேஷ் பொய்யாமொழி கணையாழி அணிவித்தார்.நிகழ்ச்சியில்,திமுக முதன்மை செயலாளரும், அமைச்சருமான கே.என்.நேரு, கிழக்கு மாநகர செயலாளர் மதிவாணன், தலைமை செயற்குழு உறுப்பினர்கள் வண்ணை அரங்கநாதன்,
கே.என்.சேகரன், மாநகராட்சி துணை மேயர் திவ்யா தனக்கோடி மற்றும் செந்தில், பகுதிகழகச் செயலாளர் மணிவேல் உள்பட பலர் கலந்து கொண்டனர்.