மணப்பாறையில் சாரண, சாரணிய இயக்க வைர விழாவில் மாணவ, மாணவிகளுடன் இணைந்து நடனமாடிய அமைச்சர் அன்பில் மகேஷ் பொய்யாமொழி… (வீடியோ இணைப்பு)

திருச்சி மாவட்டம், மணப்பாறையில் பாரத சாரண சாரணியர் இயக்கத்தின் வைர விழா மற்றும் முத்தமிழறிஞர் கலைஞர் நூற்றாண்டு விழா பெருந்திரளணி நிகழ்வு சிப்காட் வளாகத்தில் தொடங்கி நடைபெற்று வருகிறது. இதனை கடந்த 28ம் தேதி துணை முதலமைச்சர் உதயநிதி ஸ்டாலின் தொடங்கி வைத்தார். இந்த பெருந்திரளணியின் ஒவ்வொரு நாள் நிகழ்வுகளிலும் தமிழ்நாடு பாரத சாரண சாரணியர் இயக்கத் தலைவரும், தமிழக பள்ளிக்கல்வித்துறை அமைச்சருமான அன்பில் மகேஷ் பொய்யாமொழி பங்கேற்று வருகிறார். இன்று(30-01-2025) நடைபெற்ற நிகழ்ச்சி ஒன்றில் சாரண, சாரணிய இயக்க மாணவ மாணவிகளுடன் இணைந்து சிறிது நேரம் நடனம் ஆடினார். அவருடன் திருச்சி மாவட்ட ஆட்சியர் பிரதீப்குமார், சாரண சாரணியர் இயக்கத்தை சேர்ந்தவர்கள் என பலரும் இணைந்து நடனமாடினர். இதனை அனைவரும் கைதட்டி ஆரவாரம் செய்தனர்.