திருச்சியில் பராமரிப்பு பணிகள் – முக்கிய ரயில் சேவைகளில் மாற்றம்

பொறியியல் பணிகள் காரணமாக கரூர், சேலம், மயிலாடுதுறை ரயில்கள் வரும் 13ம் தேதி முழுமையாக ரத்து செய்யப்பட்டுள்ளன.  இதுகுறித்து திருச்சி கோட்ட ரயில்வே நிர்வாகம் வெளியிட்ட செய்திக்குறிப்பு., திருச்சி கோட்டை மற்றும் முத்தரசநல்லூர் இடையே பொறியியல் பணிகள் நடைபெற இருப்பதால், திருச்சி -கரூர் பயணிகள் ரயில்கள் (76810, 76809), ஈரோடு -திருச்சி – ஈரோடு பயணிகள் ரயில்கள் (56810, 56105), சேலம் -மயிலாடுதுறை -சேலம் விரைவு ரயில்கள் (16811, 16812) வரும் 13ம் தேதி முழுமையாக ரத்து செய்யப்படுகின்றன. அதேபோல் ஈரோடு – திருச்சி பயணிகள் ரயிலானது (56106) வரும் 13ம் தேதி திருச்சி – கரூர் இடையே பகுதியாக ரத்து செய்யப்பட்டு, ஈரோடு -கரூர் வரை மட்டுமே இயக்கப்படும். பாலக்காடு டவுன் திருச்சி விரைவு ரயிலானது (16844) வரும் 13ம் தேதி திருச்சி -கரூர் இடையே பகுதியாக ரத்து செய்யப்பட்டு, பாலக்காடு டவுன் – கரூர் வரை மட்டுமே இயக்கப்படும். மேலும் காரைக்கால் – எர்ணாகுளம் விரைவு ரயில் மற்றும் மைசூர் விரைவு ரயில் (16187) வரும் 13ம் தேதி திருச்சி கோட்டை, குளித்தலை ரயில் நிலையங்களைத் தவிர்த்து, திருச்சி ஜங்ஷன், திண்டுக்கல், கரூர் வழியாக இயக்கப்படும்.