திருச்சி மண்ணச்சநல்லூர் தொகுதி எம்.எல்.ஏ கதிரவன் அமைச்சராகி, மாவட்ட திமுகழக செயலாளராகி விட்டாரா ?

திருச்சி புறநகர் மாவட்ட அதிமுகவில் நீண்ட நெடிய காலம் பணியாற்றியவரும், சமயபுரம் அருள்மிகு மாரியம்மன் திருக்கோவிலின் முன்னாள் அறங்காவலருமான, வழக்கறிஞர் முருகானந்தம் கடந்த சில ஆண்டுகளுக்கு முன்பு அதிமுகவிலிருந்து விலகி, மண்ணச்சநல்லூர் சட்டமன்ற உறுப்பினர் எஸ்.கதிரவன் முன்னிலையில் திமுகவில் தன்னை இணைத்துக்கொண்டார். திமுகவில் முருகானந்தம் இணைந்ததில் இருந்தே, எம்.எல்.ஏ கதிரவனின் மிக தீவிர ஆதரவாளராக திருச்சி புறநகர் பகுதிகளில் வலம் வந்து கொண்டிருக்கிறார்.

இந்நிலையில், மண்ணச்சநல்லூர் சட்டமன்ற உறுப்பினர் கதிரவனை அமைச்சர் எனவும், திமுக மாவட்ட செயலாளர் எனவும் விளித்து, அவரது முகநூல் பக்கத்தில் எம்.எல்.ஏ கதிரவன் சிம்மாசனத்தில் அமர்ந்திருக்கும் புகைபடத்துடன் கூடிய, ஆடியோ ஒன்றை தனது சொந்த குரலில் வெளியிட்டுள்ளார். முதலமைச்சர் மு.க.ஸ்டாலின் திருச்சி மாவட்டத்தில் சுற்றுபயணம் மேற்க்கொண்டிருக்கும் சூழலில், இந்த வீடியோ மற்றும்  ஆடியோ திமுகவினரிடையே பெரும் பரபரப்பை ஏற்படுத்திவருகிறது.