புதுச்சேரி சுற்றுலா பயணிகளுக்கு “குட் நியூஸ்”…!

புதுச்சேரி என்றாலே இளைஞர்களுக்கும், சுற்றுலா பயணிகளுக்கும் கொண்டாட்டம் தான்.  மினி கோவா என்றே அழைப்பார்கள். வார இறுதி நாள் என்றாலே நண்பர்களோடு புதுச்சேரிக்கு சுற்றுலா புறப்பட்டு விடுவார்கள். அந்த அளவிற்கு கொண்டாட்டத்திற்கு பெயர் பெற்ற ஊராகும். அழகிய பீச், பிரெஞ்ச் கட்டிடங்கள், பலவகையான கடல் உணவுகள் கிடைக்கும். அதைவிட மதுபானம் விலை மிகவும் குறைவு என்பதால் இளைஞர்களின் கொண்டாட்டத்திற்கு  அளவே இருக்காது. இந்தநிலையில் புதுச்சேரியில் இரவு 12 மணி வரை சிறு உணவகங்கள் திறந்திருக்கலாம் என உள்துறை அமைச்சர் நமச்சிவாயம் அறிவித்துள்ளார், புதுச்சேரியில் தற்போது இரவு 11 மணி வரை மட்டும் சிறு கடைகள், சாலையோர உணவகங்கள் திறந்திருக்க காவல் துறை கட்டுப்பாடு விதிதுள்ள நிலையில், இனி இரவு 12 மணி வரை சாலையோர உணவகங்கள், சிறு கடைகளை திறக்க அனுமதிக்கப்படுவதாக அமைச்சர் நமச்சிவாயம் தெரிவித்துள்ளார். இதனால் புதுச்சேரி வரும் சுற்றுலா பயணிகள் இரவு நேரத்தில் உணவு கிடைக்காமல் சிரமப்படும் நிலை இருக்காது.