திருச்சி இ2ஜி அலுவலகத்தில் பொது மருத்துவ முகாம்: 200 பணியாளர்கள் பயன் பெற்றனர்…!

திருச்சி சத்திரம் பேருந்து நிலையம், கலைஞர் அறிவாலயத்திற்கு அருகில் உள்ள இ2ஜி இன்ஜினியரிங் சர்வீசஸ் பிரைவேட் லிமிடெட் அலுவலகத்தில், பணியாளர்களுக்கான சிறப்பு மருத்துவ முகாம் நடைபெற்றது. இ2ஜி நிறுவனம், திருச்சி பிரண்ட்லைன் மருத்துவமனை மற்றும் தி ஐ பவுண்டேஷன் கண் மருத்துவமனை இணைந்து நடத்திய இம்மருத்துவ முகாமில், இங்கு பணியாற்றும் சுமார் 200 க்கும் மேற்பட்டவர்கள் பங்கேற்று பயனடைந்தனர். பணியாளர்களுக்கான பொது மருத்துவ பரிசோதனை மற்றும் கண் பார்வை குறைபாடுகளுக்கான பரிசோதனைகள் நடைபெற்றது. சிகிச்சை தேவைப்பட்டவர்களுக்கு மருத்துவர்கள் சிகிச்சை அளித்ததுடன் உயர் சிகிச்சை தேவைப்பட்டவர்களுக்கு பரிந்துரை அளித்தனர். இதற்கான ஏற்பாடுகளை இ2ஜி இன்ஜினியரிங் சர்வீசஸ் பிரைவேட் லிமிடெட் நிறுவனத்தின் நிறுவனர் பெருவை எஸ்.முருகவேல் மற்றும் நிர்வாகத்தினர் சிறப்பாக செய்திருந்தனர்.