இலங்கையில் இருந்து திருச்சி வந்த விமானத்தில் ரூ.10 கோடி மதிப்புள்ள போதை பொருள் பறிமுதல் !

தமிழகத்தில் சென்னைக்கு அடுத்தபடியாக திருச்சி இரண்டாவது பெரிய விமான நிலையமாக இருந்து வருகிறது. இங்கிருந்து சிங்கப்பூர், மலேசியா, துபாய், உள்ளிட்ட பல்வேறு உலக நாடுகளுக்கு விமான சேவைகள் இயக்கப்பட்டு வருகின்றன. இந்நிலையில் இன்று இலங்கையில் இருந்து ஸ்ரீலங்கன் ஏர்லைன்ஸ் விமானம் திருச்சி வந்தடைந்தது. இதில் வந்த பயணிகள் மற்றும் அவர்களது உடமைகளை திருச்சி விமான நிலைய வான் நுண்ணறிவுப் பிரிவு சுங்கத்துறை அதிகாரிகள் சோதனை மேற்கொண்டனர். அப்போது பயணியொருவர் தனது லக்கேஜில் போதை பொருட்களை மறைத்து வைத்து கடத்தியது  தெரியவந்தது. இதனையடுத்து அவற்றை பறிமுதல் செய்த அதிகாரிகள்,   தனை செய்தபோது அதில் ஹைட்ரோபோனிக்ஸ் எனப்படும் உயர்ரக கஞ்சா என தெரிய வந்தது. இதனையடுத்து அவற்றை பறிமுதல் செய்த அதிகாரிகள் இதுகுறித்து தீவிர விசாரணை மேற்கொண்டு வருகின்றனர். கடத்தி வரப்பட்ட கஞ்சாவின் மொத்த எடை 9 கிலோ 900 கிராம் ஆகும். அதன் சர்வதேச சந்தை மதிப்பு ரூ. 10 கோடி என அதிகாரிகள் தெரிவித்துள்ளனர். சமீபகாலமாக, தினந்தோறும் திருச்சி விமான நிலையத்தில் தங்க கடத்தல்கள், போதைப்பொருள் கடத்தல்கள் அதிகரித்து வருகிறது. எனவே அதிகாரிகள் தீவிரமாக கண்காணித்து, கடத்தலில் ஈடுபடும் மாஃபியா கூட்டத்தை இரும்பு கரம் கொண்டு அடக்க வேண்டும் என சமூக ஆர்வலர்கள் கருத்து தெரிவித்துள்ளனர்.