அரசு போக்குவரத்துக் கழக கும்பகோணம் கோட்ட நிர்வாக இயக்குனராக தசரதன் பொறுப்பேற்பு…!

தமிழ்நாடு அரசு போக்குவரத்துக் கழகம், கும்பகோணம் கோட்ட தலைமையகத்தில் புதிய நிர்வாக இயக்குனராக கே.தசரதன் இன்று (04-07-2025) பொறுப்பு ஏற்றுக்கொண்டார். இவர், இதற்கு முன்பு தமிழ்நாடு அரசு போக்குவரத்துக் கழகம், திருநெல்வேலி கோட்டத்தில் நிர்வாக இயக்குனராக பணியாற்றினார். அவருக்கு முதன்மை நிதி அலுவலர் சந்தானகிருஷ்ணன், பொது மேலாளர்கள் சிங்காரவேலு (கூட்டாண்மை அலுவலகம்), முத்துக்குமாரசாமி (கும்பகோணம்), முகமதுநாசர் (புதுக்கோட்டை), சதீஷ்குமார் (திருச்சி), ரவிக்குமார் (காரைக்குடி), முதுநிலை துணை மேலாளர், (மனிதவள மேம்பாடு) ராஜேந்திரன் மற்றும் துணை மேலாளர்கள், உதவி மேலாளர்கள், ஓட்டுனர்கள், நடத்துனர்கள், தொழில்நுட்ப பணியாளர்கள், அலுவலக பணியாளர்கள் மற்றும் தொழிற்சங்க பிரதிநிதிகள் வாழ்த்து தெரிவித்தனர். கும்பகோணம் கோட்டத்தில் பணியாற்றிய நிர்வாக இயக்குனர் இரா.பொன்முடி பணி ஓய்வு பெற்றார் என்பது குறிப்பிடத்தக்கது.