ஓய்வு பெற்ற கிராம நிர்வாக அலுவலர் வீட்டில் கொள்ளை….

திருச்சி  நம்பர் 1 டோல்கேட் அருகே அகிலாண்டபுரத்தில் உள்ள ரங்கா நகரில் வசித்து வருபவா் குமார் (65) . இவா் ஓய்வு பெற்ற கிராம நிர்வாக அலுவலர். தன் மனைவியுடன் சென்னைக்கு சென்ற அவா் இன்று ( 25.09.2023 ) காலை ரங்கா நகரில் உள்ள தன்  வீட்டிற்க்கு  வந்து ,வீட்டை திறந்து பார்த்தபோது பீரோ உடைக்கப்பட்டு இருப்பதைக் கண்டு  அதிர்ச்சி அடைந்தார். பீரோவை சோதனை செய்த போது 43 பவுன் நகை மற்றும் ரூ.35 ஆயிரம் ரொக்கம் ஆகியவை திருட்டுப் போனது தெரியவந்தது. மாடி வழியாக வந்த மர்ம நபர்கள் வீட்டின் பூட்டை உடைத்து உள்ளே சென்று பீரோவில் இருந்த நகை, பணத்தை கொள்ளையடித்து விட்டு தப்பிச் சென்றுள்ளது தொியவந்தது. இச்சம்பவம் குறித்து  அவா் சமயபுரம் காவல் நிலையத்திற்கு தகவல் கொடுத்தார். இதனைத் தொடர்ந்து சம்பவ இடத்திற்கு வந்த லால்குடி டிஎஸ்பி அஜித் தங்கம், சமயபுரம் காவல் ஆய்வாளர் கருணாகரன் உள்ளிட்ட சமயபுரம் கொள்ளிடம் போலீசார் திருட்டு போனது குறித்து விசாரணை செய்தனர். மேலும் சம்பவ இடத்திற்கு மோப்பநாய் நிலா மற்றும் கைரேகை நிபுணர்கள் வரவழைக்கப்பட்டனர். மோப்பநாய் நிலா வீட்டிலிருந்து சுமார் அரை கிலோ மீட்டர் தூரம் ஓடிச் சென்று நின்றுவிட்டது. கைரேகை நிபுணர்கள் தடயங்களை சேகரித்தனர். இச்சம்பவம் குறித்து சமயபுரம் போலீசார் வழக்கு பதிவு செய்து விசாரணை நடத்தி வருகின்றனர்.