திருச்சியில் பெட்டி, பெட்டியாக புகையிலை பொருட்கள் பறிமுதல்…

திருச்சி எடமலைப்பட்டிபுதூர் சிறப்பு போலீஸ் சப்-இன்ஸ்பெக்டர் ராமதாஸ் தலைமையிலான போலீசார், திருச்சி கிராப்பட்டி டிஎஸ்பி பட்டாலியன் ஒன் இரண்டாவது கேட் அருகில் வாகன தணிக்கையில் ஈடுபட்டுக் கொண்டிருந்தனர். அப்போது அவ்வழியாக சந்தேகத்துக்கிடமாக வந்த இருசக்கர வாகனத்தை மறித்து சோதனையிட்டபோது அந்த வாகனத்தில் பெட்டி, பெட்டியாக ஹான்ஸ், பான் மசாலா, கூலிப் உள்ளிட்ட புகையிலை பொருட்கள் இருப்பது தெரிய வந்தது. அவற்றை பறிமுதல் செய்த போலீசார், திருச்சி கல்லுக்குழியைச் சேர்ந்த சாதிக்பாட்சா என்ற வியாபாரியை கைது செய்தனர். இருசக்கர வாகனமும் பறிமுதல் செய்யப்பட்டது.