திருச்சி, அரியமங்கலத்தில் கார் மோதியதில் படுகாயமடைந்த பெண் உயிரிழப்பு…!

திருச்சி, அரியமங்கலம் மலையப்பன் நகர், ஜீவானந்தம் தெருவை சேர்ந்தவர் சகாயசெல்வம். இவரது மனைவி ரோசம்மாள் (வயது 55). இவர் திருச்சி – தஞ்சை நெடுஞ்சாலையில் ரிலையன்ஸ் பெட்ரோல் பங்க் அருகே, சாலையில் நடந்து சென்ற போது அவ்வழியாக வந்த கார் இவர் மீது மோதியது. இதில் அவரது தலை மற்றும் கால்களில் பலத்த காயம் ஏற்பட்டது. உடனடியாக அக்கம்பக்கத்தினர் ரோசம்மாளை மீட்டு திருச்சி அரசு மருத்துவமனையில் சேர்த்தனர். ஆனால் அவர் சிகிச்சை பலனின்றி பரிதாபமாக உயிரிழந்தார். இது குறித்து திருச்சி தெற்கு போக்குவரத்து புலனாய்வு பிரிவு போலீசார் வழக்குப்பதிந்து விசாரணை நடத்தி வருகின்றனர்.