மதிமுக மற்றும் திமுக கூட்டணி கட்சிகள் போட்டியிடும் தொகுதிகள் அறிவிப்பு…!

திமுக கூட்டணியில் இடம் பெற்றுள்ள மதிமுகவுக்கு மொடக்குறிச்சி, மதுரை தெற்கு, கடையநல்லூர், சீர்காழி (தனி)ஆகிய 4 தொகுதிகள் ஒதுக்கப்பட்டுள்ளன. இதில் 3 தொகுதிகளில் உதயசூரியன் சின்னத்திலும், ஒரு தொகுதியில் தனி சின்னத்திலும் போட்டியிடும் என்று அறிவிக்கப்பட்டுள்ளது.

அதேபோல கொங்குநாடு மக்கள் தேசிய கட்சிக்கு திருச்செங்கோடு, பொள்ளாச்சி ஆகிய இரண்டு தொகுதிகள் ஒதுக்கப்பட்டு உள்ளன. மனிதநேய மக்கள் கட்சிக்கு நாகப்பட்டினம் மற்றும் மணப்பாறை
ஆகிய 2 தொகுதிகள் ஒதுக்கப்பட்டு உள்ளன. முக்குலத்தோர் புலிப்படைக்கு சிவகங்கை தொகுதியும், மனிதநேய ஜனநாயக கட்சிக்கு சிதம்பரம் தொகுதியும், எஸ்டிபிஐ கட்சிக்கு நன்னிலம் சட்டமன்ற தொகுதியும், தமிழர் தேசம் கட்சிக்கு நத்தம் தொகுதியும் ஒதுக்கீடு செய்யப்பட்டு உள்ளன. இந்த கட்சிகள் உதயசூரியன் சின்னத்தில் போட்டியிடுகின்றன.