திருச்சியில் பழமையான வீடு இடிந்து விழுந்ததில் முதியவர் உயிரிழப்பு…!

திருச்சி மாநகராட்சி க்கு உட்பட்ட  எடமலைப்பட்டி  புதூரை சேர்ந்தவர் செல்லையா (வயது 75).  இவர், சுமார் 70 ஆண்டுகள் பழமையான வீட்டில் வசித்து வந்தார்.
திருச்சியில் கடந்த சில நாட்களாக மாலை நேரங்களில் மழை பெய்து வருவதால் இவரது வீடு மழையால் ஊறிப் போய் இருந்தது.  இன்று  (08-06-2024)மாலையும் திருச்சியில் மழை பெய்தது.  இந்நிலையில் மழையின் காரணமாக அவரது வீடு திடீரென இடிந்து விழுந்தது.  இதில், இடிபாடுகளுக்கு இடையே சிக்கி செல்லையா உயிருக்கு போராடினார்.

இதுகுறித்து தகவல் அறிந்த கண் டோன்மென்ட் தீயணைப்பு நிலைய வீரர்கள் சம்பவ இடத்திற்கு விரைந்து வந்து செல்லையா வை மீட்டு சிகிச்சைக்காக திருச்சி அரசு மருத்துவமனைக்கு அனுப்பி வைத்தனர்.  ஆனால், மருத்துவமனைக்கு செல்லும் வழியிலேயே செல்லையா உயிரிழந்தார்.  இதகுறித்து எடமலைப்பட்டிபுதூர் போலீசார் வழக்கு பதிவு செய்து விசாரணை நடத்தி வருகின்றனர்.