மணப்பாறையில் நாளை அதிமுக நிர்வாகிகள் கூட்டம்…

திருச்சி புறநகர் தெற்கு மாவட்ட செயலாளர் ப.குமார் வெளியிட்டுள்ள அறிக்கையில் கூறியிருப்பதாவது:-

தமிழ்நாடு சட்டமன்ற எதிர்கட்சி தலைவரும், அதிமுக பொதுச்செயலாளருமான எடப்பாடி பழனிசாமியின் ஆணைக்கிணங்க நாளை ( 26.10.2023 ) காலை 10.30 மணிக்கு மணப்பாறை பிஎஸ்என்எல் அருகில் உள்ள ஆர்.வி.மஹாலில் திருச்சி புறநகர் தெற்கு மாவட்ட அ.தி.மு.க சார்பாக வாக்குசாவடி முகவர்கள், மகளிர் குழு, பாசறை குழு பொறுப்பாளர்கள் ஆலோசனைக் கூட்டம் நடைபெற உள்ளது.
கூட்டத்தில் முன்னாள் அமைச்சரும், கழக அமைப்பு செயலாளருமான செம்மலை கலந்துகொண்டு சிறப்புரை ஆற்றுகிறார். இந்தக் கூட்டத்தில் மாவட்ட நிர்வாகிகள், சார்பு அணி செயலாளர்கள், முன்னாள் சட்டமன்ற உறுப்பினர்கள், ஒன்றிய, நகர , பேரூர், பகுதி கழக, வார்டு, வட்ட கழக செயலாளர்கள், நிர்வாகிகள், செயல் வீரர்கள், வீராங்கனைகள் மற்றும் வாக்குசாவடி முகவர்கள், மகளிர் குழு, பாசறை குழு பொறுப்பாளர்கள் அனைவரும் கலந்து கொள்ளுமாறு கேட்டுக்கொள்கிறேன். இவ்வாறு அதில் அவர் கூறியுள்ளார்.