திருச்சியிலிருந்து மலேசியாவுக்கு போலி பாஸ்போர்ட்டில் “பறக்க” முயன்றவர் கைது !

திருச்சி விமான நிலையத்திலிருந்து இந்தியா மட்டும் இன்றி பல்வேறு உலக நாடுகளுக்கும் விமான சேவை இயக்கப்பட்டு வருகிறது. இந்நிலையில்
திருச்சியிலிருந்து மலேசியா செல்லும் பயணிகளை இமிகிரேஷன் அதிகாரிகள் வழக்கம்போல் சோதனை செய்தனர். அப்பொழுது ஒரு பயணியின் பாஸ்போர்ட்டை வாங்கி இமிகிரேஷன் அதிகாரிகள் சோதனை செய்தனர். அந்த பாஸ்போர்ட் வைத்திருந்தவர் முன்னுக்குப் பின் முரணாக பதில் கூறினார். இதையடுத்து அவரிடம் அதிகாரிகள் தொடர்ந்து விசாரணை நடத்தியதில் ராமநாதபுரம் மாவட்டம் வழுதூரை சேர்ந்தஆல்பித்தின் தனது பிறந்த தேதியை மாற்றி போலி பாஸ்போர்ட் பெற்றது தெரிய வந்தது. இதைபடுத்து அவரை ஏர்போர்ட் போலீசில் ஒப்படைத்தனர் . இந்த சம்பவம் குறித்து ஏர்போர்ட் போலீசார் வழக்கு பதிவு செய்து ஆல்பித்தன்னை கைது செய்துள்ளனர். போலி பாஸ்போர்ட் மூலம் திருச்சியில் இருந்து மலேசியாவுக்கு செல்ல முயன்ற சம்பவம் திருச்சி ஏர்போர்ட்டில் பெரும் பரபரப்பை ஏற்படுத்தியுள்ளது.